SERVIZOS SOCIAIS
Os servizos sociais municipais son un conxunto de programas, prestacións e accións orientadas a potenciar o benestar social da poboación.
Poden acudir a este servizo todas as persoas que queiran obter información sobre os recursos sociais ou solicitar algunha prestación.
Avenida da Paz,2
Horario: de luns a venres de 9:00 a 14:00
Teléfono/fax: 981420059
Cadro de persoal:
- 2 traballadoras sociais.
- 1 educadora familiar.
- 1 auxiliar administrativo.
- 22 auxiliares de axuda no fogar.
Os Programas que se levan a cabo son os seguintes:
Programa de información e orientación.
Ofrecemos información ás veciñas e veciños de Cariño sobre os dereitos e recursos sociais existentes, facilitando a realización dos trámites necesarios para acadalos.
Procedemos á valoración e diagnóstico das demandas recibidas, así como a súa derivación aos servizos sociais especializados cando é necesario.
As áreas de actuacións son as seguintes:
- Familia, infancia e xuventude.
- Persoas dependentes.
- Persoas con discapacidade.
- Persoas en risco de exclusión social.
As demandas máis solicitadas son:
- Valoración e recoñecemento da situación de dependencia.
- Axuda no fogar.
- Teleasistencia domiciliaria.
- Emerxencia social.
- Programa de prestación por fillo (menor de 3 anos) a cargo.
- Título de familia numerosa.
- Pensión non contributiva de xubilación e invalidez.
- Programa de respiro familiar.
- Estadías temporais.
- Programa Nadal entre amigos.
- Ingresos en residencias para a terceira idade.
- Programa de vacacións para maiores do IMSERSO.
- Programa de turismo social da XUNTA.
- Programa de termalismo do IMSERSO.
- Recoñecemento do grao de discapacidade.
- Acollemento familiar.
- Tratamento de drogodependencias en comunidades terapéuticas.
- Solicitude de prestación sanitaria.(reintegro de viaxes).
- Solicitude de bono social (telefónico e eléctrico).
- Axuda económica a través da tarxeta benvida.
Programa de apoio á unidade familiar
- Proxecto de educación familiar.
Con este programa trátase de intervir naquelas familias que presentan unha problemática de tipo social e persoal, tratando de mellorar as relacións dentro do grupo familiar.
As características propias das familias implicadas neste programa fai que a formación se centre nas seguintes áreas:
- Formación pais/nais-fillos/fillas.
- Adquisición de hábitos básicos tanto hixiénicos como alimenticios.
- Educación para a saúde, centrada na adquisición de habilidades para o coidado e atención das persoas maiores.
- Problemas de alcoholismo.
- Mellora da convivencia familiar.
- Servizo de axuda no fogar.
Este programa vai dirixido á veciñanza de Cariño que presente limitacións de autonomía persoal e consiste en prestar unha serie de atencións e coidados ás persoas co fin de que poidan permanecer no seu fogar o maior tempo posible.
O Concello conta con 17 auxiliares de axuda no fogar que atenden a persoas usuarias que acceden ao servizo a través da “Lei de dependencia” e outras 5 auxiliares que atenden a persoas usuarias que acceden ao servizo a través da “Prestación básica”, de competencia exclusivamente municipal.
- Servizo de teleasistencia.
É un servizo dirixido ás persoas maiores que viven soas cuxo fin é dar unha resposta inmediata ante situacións de emerxencia as 24 horas do día todos os días do ano proporcionándolles tranquilidade e seguridade no seu fogar.
A persoa usuaria, a través dunha terminal conectada á súa rede telefónica e que se acciona apertando un botón da pulseira ou colgante que leva consigo, poderá conectarse directamente cunha central de atención onde atenderán a súa situación de alarma.
Programa de aloxamento alternativo.
Esta prestación supón unha alternativa para as persoas que carecen de ambiente familiar adecuado.
Programa de prevención e inserción social.
Este programa consiste nunha serie de prestacións destinadas a previr a marxinación e as súas causas. Con este obxectivo desenvolvéronse unha serie de prestacións:
- Campañas de prevención do alcohol e outras sustancias tóxicas (no IES de Cariño).
- Colaboración co Programa de inclusión social da Xunta.
- Axudas de Renda de inserción social (RISGA).
- Axudas de Emerxencia social (Municipais e da Xunta).
- Axudas periódicas de apoio a mulleres que sofren violencia de xénero.
- Información e tramitación nos procesos de incapacidade legal.
- Información ás familias para evitar e paliar os desafiuzamentos hipotecarios ou por débedas derivadas da vivenda.
Programa de emerxencia social – Prestacións económicas.
O Concello de Cariño conta cunha Ordenanza municipal de emerxencia social desde abril de 2016.
Polo departamento de servizos sociais acoden un número considerable de persoas con demandas referidas a situacións de emerxencia social:
- Familias con escasos recursos económicos que pasan por unha situación crítica provocada por enfermidade, falta de emprego, etc.
- Axudas a familias en risco de exclusión social..