A praia do Peiral de Campo ou do Mallorquín é unha pequena cala situada na zona antiga de Cariño, xunto ao barrio de O Campo. Con só 40 metros de longo e un área de cantís, xunto con illotes próximos á área de baño, é un recuncho moi frecuentado polos veciños e veciñas pero escasamente coñecido para os visitantes, ao que se accede por unhas escaleiras desde a Rúa do Campo.

O seu chan é maioritariamente de pedras ou bolos, cun pequeno extremo esquerdo de area fina cuberta coas mareas altas. A súa localización convértea nunha área idónea para a práctica do submarinismo, grazas á boa visibilidad e á riqueza do seu fondo mariño, e para o mergullo, polas súas augas claras e illotes que a bordean.