O Miradoiro A Miranda, situado no cumio do Monte A Miranda, na parroquia de Landoi, a case 500 metros de altitude. A súa panorámica de 360º permite contemplar a ría de Cariño-Ortigueira, xunto coas serras da Capelada, Faladoira e Coriscada, o porto de Espasante, Ortigueira e a Punta de Estaca de Bares: o punto máis septentrional da Península.

Ademais do valor paisaxístico, destaca o seu interese xeolóxico. Forma parte do Complexo do Cabo Ortegal, e conta cun gran afloramento de ecloxitas – rochas metamórficas -, sendo unha das maiores concentracións da Península. Estas rochas dun ton azul verdoso fan da área un lugar único dentro do Xeoparque Cabo Ortegal.

Unha das mellores formas de coñecer a área é realizando unha ruta duns 25 kms pola Serra da Capelada. Pódese realizar en coche e parte da vila de Cariño en dirección norte cara o faro de Cabo Ortegal, desde onde o camiño continúa cara o suroeste en dirección a San Andrés de Teixido e Cedeira, onde remata. Atravesanda a serra pódense visitar, xunto co Miradoiro da Miranda, outros puntos de observación como o Faro de Cabo Ortegal, Vixía de Herbeira ou o miradoiro dos Carrís.