Que facer / ver

San Xiao do Trebo: aldea situada preto do Cabo Ortegal que conta cunha capela con orixes dos séculos V e VI. Está edificada encima dunha vila romana aínda non escavada. Neste lugar celébrase o último sábado de Xaneiro a Romaría de S. Xiao.

Rutas de sendeirismo: pódense realizar múltiples rutas para percorrer a zona, as máis fáciles saen desde Cariño cara ao Cabo Ortegal (2h30 ida e volta) e cara ao Monte Mazanteu que queda cara ao sur (1h30 ida e volta). Despois existen outras rutas que percorren a Serra da Capelada, de duración variable segundo o percorrido.

Ruta dos miradoiros: ruta de 25km a través da Serra da Capelada que se pode facer en coche. Sae desde Cariño en dirección norte cara ao faro de Cabo Ortegal e despois desvíase cara ao suroeste en dirección a S. André de Teixido e Cedeira, que é o final da ruta. Atravesará toda a serra e poderanse visitar os distintos miradoiros que hai na ruta, a destacar o do Faro de Cabo Ortegal, o da Miranda, o de Vixía de Herbeira e o dos Carrís, entre outros.

Ría de Cariño-Ortigueira: Espazo natural protexido, Lugar de Importancia Comunitaria (LIC), Humidal de importancia internacional protexido polo convenio Ramsar, zona especial de protección de aves (ZEPA) , numerosas praias de area fina salpican a Ría

Cabo Ortegal: citado polos romanos como Promontorium Trileucum, é o extremo Nordeste da Serra da Capelada, que se abre cara ao océano en dúas puntas, a punta dos Aguillóns cara ao leste -o Trileuco dos romanos e lugar onde está o faro de Cabo Ortegal- e a punta do Limo cara ao oeste, cuns acantilados que alcanzan os 300 metros de altura. Aquí xúntanse mar e océano xa que serve de punto de unión ao Mar Cantábrico e ao Océano Atlántico, e é o límite Occidental do Golfo de Biscaia. Os Aguillóns son uns illotes rochosos puntiagudos que se adentran no Océano cara ao norte e son o símbolo da comarca. Esta zona tamén está en trámites para ser declarada como Xeoparque debido á especial configuración das rochas, que fai que sexa obxecto de intensos estudos por parte dos xeólogos.

Serra da Capelada: cordilleira montañosa de 25km de longo que atravesa os municipios de Cariño, Cedeira e Ortigueira. Nela encóntranse os acantilados máis altos da Europa continental e costeira, cunha altura máxima de 613m á altura do miradoiro de Vixía de Herbeira. Hai unha sucesión de miradoiros que nos permiten observar as vistas desde a cordilleira, destacando o Miradoiro da Miranda, que coas súas vistas a 493m de altura domina toda a Ría e permite unha panóramica de 360 graos. Zona con néboas frecuentes e azoutada polo vento non deixa indiferente a ninguén. As mandas de cabalos e vacas criadas en liberdade sorprenderante.

Vila de Cariño: núcleo mariñeiro de Cariño situado entre a baía e a praia, o porto e os acantilados. Consta dunha serie de rúas estreitas con casiñas de cores que ascenden ata o cantil, onde hai uns miradoiros que dan cara ao mar. Hai exemplos de arquitectura típica mariñeira como son as casas con galería ou con corredor (balcón de madeira). A igrexa de S. Bartolomé (templo neogótico de principios do século XX) encóntrase no centro e o seu campanario domina toda a vila. Un paseo polo porto e polo paseo marítimo que rodea a baía completan a visita.

Santo André de Teixido: Aldea situada na Serra da Capelada que é un lugar de peregrinación fundamental en Galicia, máis antigo que Santiago de Compostela. É un lugar de culto pagano posteriormente cristianizado onde hai unha serie de lendas e tradicións. A igrexa, que data do século XIV aínda que ten orixes anteriores, e está dedicada a Santo André. Unha lenda di que “A San Andrés de Teixido vai de morto o que non foi de vivo” ( a S. Andrés de Teixido va de muerto el que no fue de vivo). Na localidade tamén se venden os “sanandresiños”, figuriñas de masa de pan cocida e pintada, que son os amuletos típicos de alí.

Festas e eventos: celébranse ao longo do ano numerosas festas e eventos, cabe destacar a Festa do Carmen en Cariño, o 16/07, coa procesión marítima máis longa de España que vai ata o Cabo Ortegal e a danza de Arcos, típica de Cariño. Outras festas son as festas patronais de S. Bartolo, o 24/08 en Cariño ou as Festas de San Antonio 13/06 ou a Nosa Señora 15/08 na Pedra. Na parroquia de Feás celébrase o 29/06 o S. Pedro e o 2º Domingo de Setembro Os Remedios. Na parroquia de Sismundi celébrase o Carmen o 1º Domingo de Agosto e na de Landoi celébrase o Santiago o 25/07. Outros eventos de importancia son a Festa gastronómica da Caldeirada e a Sardiña Lañada que se celebra en Cariño o primeiro sábado de Agosto, así como o Carnaval que é ampliamente seguido en Cariño en datas variables entre Febreiro e Abril.

FOLLETOS

GUÍA DE RÚAS

Rede Natura 2000 – Complexo xeolóxico do Cabo Ortegal

Cariño sitúase na marxe occidental da Ría de Cariño – Ortigueira, sobre as faldras da Serra da Capelada, adentrándose no mar na prolongación do Cabo Ortegal. Ocupa unha extensión de 46,2 km2 e está formado por cinco parroquias: Cariño, A Pedra, Sismundi, Feás e Landoi.

Situado na parte máis setentrional da provincia da Coruña, o Concello de Cariño posúe un clima oceánico chuvioso, sen grandes oscilacións de temperatura ao longo do ano.

Aquí podes descargar a Guía de rúas.

A península do Cabo Ortegal encóntrase incluída dentro da ZEPVN (Zona de Especial Protección dos Valores Naturais) “Costa Ártabra”, que abarca un tramo costeiro da provincia da Coruña correspondente á comarca de Ferrol e unha parte da de Ortegal.

A ZEPVN Costa Ártabra, caracterízase pola beleza paisaxística, e nela sobresaen recantos coma este do Cabo Ortegal que destaca pola súa singularidade xeolóxica, florística e faunística. Entre os hábitats protexidos pola Rede Natura 2000, presentes nesta zona do Cabo Ortegal, encóntrase o hábitat de acantilado con vexetación das costas atlánticas e bálticas.

Todo este conxunto de valores xeolóxicos e naturais existentes neste enclave, fan que sexa un dos principais puntos turísticos da Península Ibérica.

Descarga aquí toda a información.

Rede Natura I

Rede Natura II

Itinerarios culturais, medioambientais e paisaxísticos no Complexo xeolóxico do Cabo Ortegal.

Pódense realizar múltiples rutas para percorrer a zona, pero recomendamos 5 itinerarios:

Itinerario 1: Camiño dos Romeiros – Cabo Ortegal.

Itinerario 2: Camiño do Faroleiro.

Itinerario 3: Camiño do Limo.

Itinerario 4: Camiño de Herbeira – Miranda.

Itinerario 5: Monte Mazanteu.

Utilizamos cookies para mejorar su experiencia y nuestros servicios, analizando la navegación en nuestro sitio web. Si continua navegando, consideramos que acepta su uso. Puede obtener más información pulsando aquí

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar