ACTUALIDADE

CURSO DE DESENVOLVEMENTO DE APLICACIÓNS CON TECNOLOXÍAS WEB

05 Novembro 2018

A Deputación da Coruña, a través do Proxecto EIXO_Estratexia de Inserción Xove do Plan de Emprego Local, está a programar a impartición de accións formativas, específica e complementaria, do Itinerario de Información e Comunicación que inclúe ó acceso ao certificado de profesionalidade de nivel 3:

 DESENVOLVEMENTO DE APLICACIÓNS CON TECNOLOXÍAS WEB (RD 1531/2011, de 31 de outubro modificado polo RD 628/2013, de 2 de agosto)

Este itinerario e as accións formativas que contempla, vai dirixido a persoas mozas que reúnan os requisitos especificados na primeira convocatoria 2017 de axudas do Fondo Social Europeo, previstas no Programa Operativo de Emprego Xove (axudas AP_POEJ), todas elas menores de 30 anos e desempregadas da provincia da Coruña, incluídas as persoas con discapacidade, non ocupadas e no integradas nos sistemas de educación ou formación, inscritas na Oficina de Emprego correspondente e rexistradas no ficheiro do Sistema Nacional de Garantía Xove, e que ademais cumpren os seguintes requisitos:
-Ter cumpridos 16 anos de idade.
-Estar empadroado/a en algún dos concellos de menos de 50.000 habitantes da provincia.
-Estar inscrito no fondo de garantía xuvenil.
-Cumprir con algún dos seguintes requisitos de formación adscritos a este certificado de profesionalidade en concreto:

a) Estar en posesión do título de bacharelato para o acceso a formación de nivel 3.
b) Estar en posesión dun certificado de profesionalidade de nivel 3 (certificación completa ou modular)
c) Estar en posesión dun certificado de profesionalidade de nivel 2 da mesma familia e area profesional: Actividades Físicas e Deportivas, área prevención e recuperación.

d) Cumprir o requisito académico de acceso a ciclos formativos de grao superior ou ter superadas as probas de acceso reguladas polas administracións educativas.
e) Ter superada a proba de acceso á universidade para maiores de 25 anos e/ou de 45 anos.
f) Ter os coñecementos formativos e/ou profesionais suficientes que permitan participar con aproveitamento nesta formación

A formación teórico- práctica realizarase nas instalaciónsque a empresa adxudicataria ten acreditadas en Arteixo, Asociación Agarimo, e, a data de inicio, prevista para a última quincena de novembro, será comunicada ao longo do proceso de selección.

A xornada formativa obrigatoria a desenvolver en horario de mañán, contempla as horas de formación propias do certificado de profesionalide xunto cas horas correspondentes á formación transversal e complementaria en igualdade de oportunidades, lingua estranxeira e novas tecnoloxías, así como sesións grupais e individuais de orientación e desenvolvemento de competencias e habilidades para a inserción laboral.

As inscricións serán enviadas a Deputación pola técnica de emprego e desenvolvemento local do Concello de Cariño.
Para máis información, poñédevos en contacto co departamento de emprego e desenvolvemento local do Concello de Cariño, presencialmente nas nosas oficinas, por teléfono no número 981 40 50 64. ou a través da dirección de correo electrónico: emprego@concellodecarino.gal.

Utilizamos cookies para mejorar su experiencia y nuestros servicios, analizando la navegación en nuestro sitio web. Si continua navegando, consideramos que acepta su uso. Puede obtener más información pulsando aquí

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar