CULTURA

O Departamento de Cultura está situado no segundo andar da Casa do Concello. Os datos de contacto son os seguintes:

Mail: cultura@concellodecarino.gal

Teléfono: 981 405 064

O Departamento de Cultura do Concello de Cariño organiza cada ano unha serie de obradoiros culturais destinados a persoas de todas as idades, desde os 3 anos en adiante,   entre os que podes atopar manualidades, pintura, informática, contacontos, etc.

Ademáis, ó longo do ano organiza concertos, exposicións, presentacións de libros e revistas das que terás debida conta na sección de novas desta web.

 

Cabe destacar o ciclo Cinemas de Galicia e a Mostra de Teatro Galego de Cariño.

 

CINEMAS DE GALICIA

Cinemas de Galicia é un programa de AGADIC, en colaboración co Concello, que pretende achegar o cine europeo e galego a Cariño.

Cariño forma parte do programa xunto con nove concellos máis de toda Galicia: Allariz, As Pontes, Cedeira, Celanova, Foz, Ortigueira, o Carballiño, O Grove e Verín.

As proxeccións teñen lugar no Auditorio Municipal os sábados a partir das 19.30 horas. O custe da entrada é de 3€.

A programación para o primeiro período de 2018 é a seguinte:

MOSTRA DE TEATRO GALEGO DE CARIÑO

A Mostra de Teatro de Cariño cumpre no vindeiro ano 2018 o seu 40 Aniversario. É, xunto coa de Ribadavia, a máis antiga de Galicia. Segue sendo un dos eventos máis sinalados da programación teatral galega, pola súa regularidade e constancia e pola calidade de programación.

Pola Mostra de Teatro de Cariño pasaron, sen excepción, todas as grandes compañías da historia do teatro galego. A industria teatral galega foi desenvolvendose á par que a Mostra evolucionaba e ampliaba a súa oferta. Os actores e actrices, técnicos, directores, músicos, etc, da escea galega fogueáronse en Cariño; é difícil atopar nos oficios do teatro profesional de longo percorrido quen non acudira nunca a unha das súas edicións ao longo de todos estes anos.

 

Foi no ano 1978 cando os Grupos de Teatro de Cariño “Malveira” e “As Traíñas”, xunto coa Comisión de Festas, organizan o PRIMEIRO FESTIVAL DE TEATRO GALEGO DE CARIÑO no que participan os seguintes grupos:

– 19 de agosto: “As Traíñas” de Cariño, coa obra “Ledaíñas pola morte do Meco” de Roberto Vidal Bolaño.

– 20 de agosto: “Troula” da Coruña coa obra “O Velorio” de F. Taxes.

– 21 de agosto: “Antroido” de Santiago coa obra “Laudamuco Señor de Ningures” de Roberto Vidal Bolaño.

Neste enlace podes obter información actualizada sobre a Mostra.

Utilizamos cookies para mejorar su experiencia y nuestros servicios, analizando la navegación en nuestro sitio web. Si continua navegando, consideramos que acepta su uso. Puede obtener más información pulsando aquí

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar