ACTUALIDADE

Cariño Informa

13 Decembro 2019

Nestas datas nas que se suceden os eventos, se queres estar informado de forma inmediata de canto acontece no Concello de Cariño, a aplicación “CARIÑO INFORMA” é a ferramenta que precisas.

Aínda non o empregas? A que agardas?. Xa somos máis de 950 veciños/as os que facemos uso dela!!!

Dende o pasado mes de marzo de 2018 o Concello de Cariño abreu unha nova vía de comunicación coa veciñanza: a aplicación “Cariño Informa”.

Trátase dunha ferramenta dixital que permite que tanto a veciñanza como os visitantes reciban directamente no seu teléfono, de forma áxil e inmediata, toda a información que o Concello de Cariño publica.

Eventos, novas, avisos de urxencia ou comunicados de interese (entre outras cousas) son achegados a todas as persoas que descargan a App. Se aínda non contas con ela no teu teléfono, podes facelo gratuitamente tanto se usas Android ou iOS.

Para #Android chega con buscar as palabras “Cariño Informa” no buscador do Play Store. No caso de ser usuario de #iOS tes que buscar o termo “Bandomovil” no Apple Store, e logo seleccionar Cariño.

Anímate a facelo, e a comentar a iniciativa a outros veciños. Non perderás detalle!