Vaise celebrar a CAMPAÑA DE ESQUÍ organizada pola Deputación da Coruña na estación invernal de Leitariegos, dende o 19/02/2016 ó 24/02/2016 para nenos e nenas nados no  2002, 2003, 2004, 2005 e 2006.

A preinscrición pode realizarse ata o día 23 de xaneiro ás 13:30 h. na Casa da Cultura e,  no caso de que o número de participantes  sexa maior que o número de prazas, celebrarase un sorteo ante a Secretaria, o día 24 de xaneiro, as 12:00, na Casa da Cultura (terán preferencia os/as rapaces/zas que non foran a ningunha campaña da neve da Deputación).

A Deputación responsabilízase da maior parte dos gastos ocasionados polos cursos: Transporte, estadía e manutención en hotel, monitores, clases de  esquí, seguros, alugamento e material, remontes mecánicos e actividades varias.

Cada participante aboará unha cota de participación de 95 €, unha vez que se confirme a súa participación.

A estación invernal de Leitariegos sitúase no noroeste da provincia de León, nun excepcional paraxe natural reserva da Biosfera que limita co Principado de Asturias, e conta con 10 pistas balizadas de distintos niveis (5 vermellas, 4 azuis e unha verde) e un snowpark, así como unha escola na que se ofrecen clases de esquí e snwoboard.

Máis información no Servizo de Deportes, sito na Casa de Cultura, ou no teléfono 981 420 216.