Saúda Alcalde


CARIÑO

Benvidos e benvidas á nova web do Concello de Cariño, unha xanela aberta dende o noso territorio ao mundo, un lugar no que toda persoa que así o desexe poderá asomar para coñecer esta espectacular terra bicada por un mar e un océano sobre os que se erguen os máis impresionantes cantís mariños, un acougo onde as rochas máis antigas da península ibérica gardan testemuño das civilizacións que algún día poboaron o noso territorio. Porque se algo define a Cariño é a súa indomable riqueza natural.

Pero non podemos deternos aí, queremos ir máis alá. A nosa intención non é outra que a web cumpra o cometido de axudar á cidadanía, facilitando á veciñanza información, servizos ou trámites municipais, sempre baixo o paraugas dunha clara vocación de servizo público. Nos tempos da internet a rede convírtese nunha constante no día a día do concello. Pretendemos que a información da actividade municipal chegue a todos vós de forma directa, áxil e inmediata, xa sexa mediante as dinámicas redes sociais municipais ou ben empregando o servizo de suscrición desta nova web, unha ferramenta que poñemos á vosa enteira disposición.

Convídovos pois a facer deste espazo un lugar de encontro virtual aínda que, se de verdade queredes sentir de preto a forza de Cariño, teredes que visitarnos.


Agardámosvos!

José Miguel Alonso Pumar

Alcalde do Concello de Cariño

Utilizamos cookies para mejorar su experiencia y nuestros servicios, analizando la navegación en nuestro sitio web. Si continua navegando, consideramos que acepta su uso. Puede obtener más información pulsando aquí

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar